Соборное послание иудино

Главы: 1

Зачала: 1 2 Глава 1. Зачало 77.
1 Иуда, иисуса христа раб, брат же иакова, сущимъ о бозе отце освященным, иисус христомъ соблюденным званным:
2 милость вам и мир и любы да умножится.
3 Возлюбленнии, всяко тщание творя писати вамъ о общем спасении вашем, нужду возымехъ писати вам, моля подвизатися о преданней вере святым единою.
4 Привнидоша бо нецыи человецы, древле предуставленнии на сие осуждение, нечестивии, бога нашего благодать прелагающии в скверну, и единаго владыки бога и господа нашего иисуса христа отметающиися.
5 Воспомянути же вам хощу, ведущим и вамъ единою сие, яко господь люди от земли египетския спасе, последи неверовавшия погуби:
6 аггелы же не соблюдшия своего началства, но оставльшия свое жилище, на суд великаго дне узами вечными под мраком соблюде.
7 якоже содома и гоморра и окрестнии ихъ грады, подобным им образом преблудивше и ходивше вслед плоти иныя, предлежат в показание, огня вечнаго суд подъемше,
8 такожде убо и сии, сония видяще, плоть убо сквернят, господства же отметаются, славы же хуляще (не трепещутъ).
9 Михаил же архангел, егда со диаволомъ разсуждая [препираяся] глаголаше о моисеове телеси, не смеяше суда навести хулна, но рече: да запретит тебе господь.
10 Сии же, елика убо не ведят, хулят: елика же по естеству яко безсловесная животная ведят, в сих сквернятся [растлеваются].
11 (Зачало 78) Горе им, яко в путь каиновъ поидоша, и в лесть валаамовы мзды устремишася, и в пререкании корреове погибоша.
12 Сии суть в любвах ваших сквернители, с вами ядуще, без боязни себе пасуще: облацы безводни, от ветр преносими: древеса есенна, безплодна, дважды умерша, искоренена:
13 волны свирепыя моря, воспеняющя своя стыдения: звезды прелестныя, имже мрак тмы во веки блюдется.
14 пророчествова же и о сих седмый от адама енох, глаголя: се приидет господь во тмахъ святых ангел своих,
15 сотворити суд о всех и изобличити всехъ нечестивых о всех делех нечестия их, имиже нечествоваша, и о всех жестоких словесехъ их, яже глаголаша нань грешницы нечестивии.
16 Сии суть ропотницы, укорители, (часть порочна,) в похотех своих ходяще нечестиемъ и законопреступлением: и уста их глаголютъ прегордая: чудящеся лицам пользы ради.
17 Вы же, возлюбленнии, поминайте глаголы преждереченныя от апостол господа нашего иисуса христа:
18 зане глаголаху вам, яко в последнее время будут ругатели, по своих похотех ходяще и нечестиих.
19 Сии суть отделяюще себе (от единости веры, и суть) телесни [душевни], духа не имуще.
20 Вы же, возлюбленнии, святою вашею верою назидающе себе, духом святым молящеся,
21 сами себе в любви божией соблюдайте, ждуще милости господа нашего иисуса христа, в жизнь вечную.
22 И овех убо милуйте разсуждающе,
23 овех же страхом спасайте, от огня восхищающе: обличайте же с боязнию, ненавидяще и яже от плоти оскверненую ризу.
24 Могущему же сохранити вы без греха и безъ скверны и поставити пред славою своею непорочныхъ в радости,
25 единому премудрому богу и спасу нашему, иисусомъ христом господем нашим, слава и величие, держава и власть, прежде всего века, и ныне, и во вся веки. Аминь.

Конец соборному посланию иудину: имать в себе главу 1, зачал же церковных 2.