Послание второе к тимофею
святаго апостола павла

Главы: 1 2 3 4

Зачала: 290 291 292 293 294 295 296 297 298 299

Глава 1. Зачало 290.
1 Павел, апостол иисус христов волею божиею, по обетованию жизни, яже о христе иисусе,
2 тимофею возлюбленному чаду: благодать, милость, мир от бога отца и христа иисуса господа нашего.
3 Благодарю бога, емуже служу от прародителей чистою совестию, яко непрестанную имам о тебе память в молитвах моих день и нощь,
4 желая видети тя, поминая слезы твоя, да радости исполнюся,
5 воспоминание приемля о сущей в тебе нелицемерней вере, яже вселися прежде в бабу твою лоиду и в матерь твою евникию: известен же есмь, яко и в тебе.
6 еяже ради вины воспоминаю тебе возгревати дар божий живущий в тебе возложением руку моею:
7 не бо даде нам бог духа страха, но силы и любве и целомудрия.
8 (Зачало 291) Не постыдися убо страстию [свидетелствомъ] господа нашего иисуса христа, ни мною юзником его: но спостражди благовествованию (христову) по силе бога,
9 спасшаго нас и призвавшаго званием святым, не по делом нашим, но по своему благоволению [предложению] и благодати данней нам о христе иисусе прежде лет вечных,
10 явльшейся же ныне просвещением спасителя нашего иисуса христа, разрушившаго убо смерть и возсиявшаго жизнь и нетление благовествованием,
11 в неже поставлен бых аз проповедникъ и апостол и учитель языков.
12 еяже ради вины и сия стражду: но не стыждуся. Вем бо, емуже веровах, и известихся, яко силен есть предание мое сохранити въ день он.
13 образ имей здравых словес, ихже от мене слышал еси, в вере и любви, яже о христе иисусе.
14 Доброе завещание соблюди духом святым живущимъ в нас.
15 Веси ли сие, яко отвратишася от мене вси, иже от асии, от нихже есть фигеллъ и ермоген.
16 Да даст (же) милость господь онисифорову дому, яко многажды мя упокои и вериг моихъ не постыдеся,
17 но пришед в рим, тощнее взыска мя и обрете:
18 да даст ему господь обрести милость от господа в день он: и елико во ефесе послужи ми, добрее ты веси.

Глава 2. Зачало 292.
1 Ты убо, чадо мое, возмогай во благодати, яже о христе иисусе,
2 и яже слышал еси от мене многими свидетели, сия предаждь верным человеком, иже доволни будут и иных научити.
3 Ты убо злопостражди яко добр воинъ иисус христов.
4 Никтоже (бо) воин бывая обязуется куплями житейскими, да воеводе угоден будет.
5 Аще же и постраждет [подвизается] кто, не венчается, аще не законно мучен будет [будетъ подвизатися].
6 Труждающемуся делателю прежде подобает от плода вкусити.
7 Разумей, яже глаголю: да даст убо тебе господь разум о всем.
8 Поминай (господа) иисуса христа воставшаго от мертвых, от семене давидова, по благовествованию моему,
9 в немже злостражду даже до уз, яко злодей: но слово божие не вяжется.
10 Сего ради вся терплю избранных ради, да и тии спасние улучат еже о христе иисусе, со славою вечною.
11 (Зачало 293) Верно слово: аще бо с ним умрохом, то с ним и оживем:
12 аще терпим, с ним и воцаримся: аще отвержемся, и той отвержется нас:
13 аще не веруем, он верен пребывает: отрещися бо себе не может.
14 Сия воспоминай, засвидетелствуя пред господем, не словопретися, ни на куюже потребу, на разорение слышащих.
15 Потщися себе искусна поставити пред богом, делателя непостыдна, право правяща слово истины.
16 Скверных же тщегласий отметайся: наипаче бо преспеют в нечестие,
17 и слово их яко гаггрена жир обрящет: от нихже есть вменей и филит,
18 иже о истине погрешиста, глаголюща, яко воскресение уже бысть: и возмущают некоторыхъ веру.
19 Твердое убо основание божие стоит, имущее печать сию: позна господь сущия своя, и: да отступитъ от неправды всяк именуяй имя господне.
20 (Зачало 294) В велицем же дому не точию сосуди злати и сребряни суть, но и древяни и глиняни: и ови убо в честь, ови же не в честь.
21 Аще убо кто очистит себе от сих, будет сосуд в честь, освящен и благопотребенъ владыце, на всякое дело благое уготован.
22 Похотей юных бегай, держися же правды, веры, любве, мира со всеми призывающими господа от чистаго сердца.
23 Буих же и ненаказанных стязаний отрицайся, ведый, яко раждают свары:
24 рабу же господню не подобает сваритися, но тиху быти ко всем, учителну, незлобиву,
25 с кротостию наказующу противныя, еда како даст им бог покаяние в разум истины,
26 и возникнут от диаволския сети, живи уловлени от него в свою его волю.

Глава 3. Зачало 295.
1 Сие же веждь, яко в последния дни настанутъ времена люта.
2 Будут бо человецы самолюбцы, сребролюбцы, величави, горди, хулницы, родителем противящиися, неблагодарни, неправедни, нелюбовни,
3 непримирителни, (продерзиви, возносливи, прелагатае,) клеветницы, невоздержницы, некротцы, неблаголюбцы,
4 предателе, нагли, напыщени, сластолюбцы паче нежели боголюбцы,
5 имущии образ благочистия, силы же его отвергшиися. И сих отвращайся.
6 от сих бо суть поныряющии в домы и пленяющии женишца отягощенныя грехами, водимыя похотьми различными,
7 всегда учащяся и николиже в разум истины приити могущия.
8 якоже ианний и иамврий противистася моисею, такожде и сии противляются истине, человецы растленни умом (и) неискусни о вере.
9 Но не преуспеют более: безумие бо их явлено будет всем, якоже и онех бысть.
10 (Зачало 296) Ты же последовал еси моему учению, житию, привету, вере, долготерпению, любви, терпению,
11 изгнанием, страданием, якова ми быша во антиохии, (и) во иконии, (и) в листрех: якова изгнания приях, и от всех мя избавилъ есть господь.
12 И вси же хотящии благочестно жити о христе иисусе, гоними будут:
13 лукавии же человецы и чародее преуспеютъ на горшее, прельщающе и прельщаеми.
14 Ты же пребывай в нихже научен еси и яже вверена суть тебе, ведый, от кого научился еси:
15 и яко измлада священная писания умееши, могущая тя умудрити во спасние верою, яже о христе иисусе.
16 (Зачало 297) Всяко писание богодухновенно и полезно (есть) ко учению, ко обличению, ко исправлению, к наказанию еже в правде,
17 да совершен будет божий человек, на всякое дело благое уготован.

Глава 4.
1 Засвидетелствую убо аз пред богом и господемъ нашим иисус христом, хотящим судити живымъ и мертвым в явлении его и царствии его:
2 проповедуй слово, настой благовременне и безвременне, обличи, запрети, умоли со всякимъ долготерпением и учением.
3 Будет бо время, егда здраваго учения не послушают, но по своих похотех изберутъ себе учители, чешеми слухом:
4 и от истины слух отвратят, и к баснемъ уклонятся.
5 (Зачало 298) Ты же трезвися о всем, злопостражди, дело сотвори благовестника, служение твое известно сотвори.
6 Аз бо уже жрен бываю, и время моего отшествия наста:
7 подвигом добрым подвизахся, течение скончах, веру соблюдох:
8 прочее убо соблюдается мне венец правды, егоже воздаст ми господь в день он, праведный судия: не токмо же мне, но и всем возлюбльшимъ явление его.
9 (Зачало 299) Потщися скоро приити ко мне.
10 Димас бо мене остави, возлюбив нынешний век, и иде в солунь: крискент в галатию, тит в далматию: лука един есть со мною.
11 Марка поемь приведи с собою, есть бо ми благопотребен в службу.
12 Тихика же послах во ефес.
13 Фелон, егоже оставих в троаде у карпа, грядый принеси, и книги, паче же кожаныя.
14 Александр ковачь многа ми зла сотвори: да воздаст ему господь по делом его:
15 от негоже и ты себе блюди, зело бо противится словесем нашим.
16 В первый мой ответ никтоже бысть со мною, но вси мя оставиша: да не вменится им.
17 господь же мне предста и укрепи мя, да мною проповедание известно будет, и услышатъ вси языцы: и избавлен бых от уст львов.
18 И избавит мя господь от всякаго дела лукава и спасет во царствие свое небесное: емуже слава во веки веков. Аминь.
19 Целуй прискиллу и акилу и онисифоровъ дом.
20 ераст оста в коринфе: трофима же оставихъ в милите боляща.
21 Потщися прежде зимы приити. Целует тя еввулъ и пуд, и лин и клавдиа и братия вся.
22 господь иисус христос со духом твоим. благодать с вами. Аминь.

Конец второму посланию еже к тимофею святаго апостола павла: имать в себе главы 4, зачалъ же церковных 10.